كلية الهندسة الالكترونية بمنوف

[Ahmed Saleh]

السلام عليكم ورحمة الله وبركاته

الحقيقة انا عامل الموضوع ده للتعريف بكلية عريقة جدا

وهى هندسة منوف

واللى دفعنى انى اعمل الموضوع ده كلام عضو فاضل قال فى كومنت ان الكلية دى

كلية حاسبات


دلوقتى بعد ما كل واحد عرف مجموعه كام وممكن يدخل قسم ايه

بقى فى ناس معرضه انها تدخل اقسام هى مش حاباها

والاقسام كلها اكيد حلوة بس برضو فى ناس مبتعرفش تبدع الا فى المكان اللى هى بتحبه


وانا فى اعدادى عرفت ناس كتير جاتلهم اقسام هما مش حابينها

فى اللى حول جامعة طنطا ودخل قسم ميكانيكا لانه اقل قسم هناك

وفى اللى حول جامعة المنوفية ودخل هندسة منوف

واول ما سمعت اسم الكلية افتكرتها الكترونيات بس

بس بعد ما عرفت اكتر عنها عرفت ان زيها زى اى قسم كهربا فى اى كلية هندسة فى مصر

اعدادى هناك زى اى كلية تانية

واولى وتانية شعبه عامه

والتخصص من تالته


اتصالات او حاسبات او تحكم

اتصالات وحاسبات انتو عارفينهم طبعا

وقسم تحكم ده زى كهربا باور بس فى اختلافات هتعرفوها

وكمان قسم تحكم ده بيدرسو فيها الهندسة الطبية برضو زى ما هنشوف

فى الموضوع اللى انا ناقله من منتدى الكلية واللى هحطه فى الرد اللى بعد كده على طول


فاللى عايز يدخل كهربا ومجموعه مش جايب ممكن اوى يدخلها هناك وممكن ياخد هناك اولى ويرجع الزقازيق فى تانية

بس انا متأكد ان اللى بيروحها فى اولى مبيسيبهاش لانه بيحس بقيمته هناك

وبيعرف انه افضل من زميله اللى فى اولى كهربا فى اى جامعة تانية بالنسبة لكل حاجة

المعامل والدكاترة والمناهج وكل حاجة

ماعدا البلد الحقيقة لان منوف دى بلد مش حلوة ومفيهاش اى وسائل ترفيه

[Ahmed Saleh]

الفرق بين
قسم هندسةالتحكم
(بهندسة منوف)
و
قسم الالات والقوى الكهربية(قسم باور)
(فى جميع كليات الهندسه)
اولاً:حنتفق مبداياً اننا خارج المنافسة على الاطلاق لكى ننظر الى الموضوع بمنطقية وهنعرف ليه هندسة منوف خارج المنافسه لانها المتصدرة دائماً لاقائمة كليات الهندسة على مستوى الجمهورية
ثانياً :اثناء كتابتى عن الاختلافات التى تميزنا ستكون على صيغه
احنا (تحكم منوف) وهما(قسم باور)
يلا حنبدا:
فى اعدادى معظم كليات الهندسة تكاد تدرس منهج يساعد الطلاب على اختيار القسم بداخلها ولن نتعرض لما يدرس بالفرقة الاعدادية
نبتدى بقى:
احنا:فى الفرقة الاولى بندرس الدوائر الكهربية وجميع النظريات الكهربية وقوانين الرسم الكهربى (الالكترونى "يعنى البورد الصغيرة اعلى جهد 24فولت" ) وقوانين الكهربية وسلوك الدائرة الكهربى وماذا سيحدث فى الخرج بشكل مفرط ونكمل الدراسة فى الترم التانى بتكنولوجيا الدوائر المتناهية الصغر(طبعا مش عايز اكتب انجليزى لتغير ثقافات المستقبلين وعشان تقراه اكبر كمية من الطلاب) ودراسة الورش والتوصيلات الكهربية(تقال باللغة العامية كهربا سيلسيون)ودراسة مايخدم المجال الهندسى

هما:فى الفرقة الاولى بيتخصصوا اما مدنى او كهربا او عمارة او ميكانيكا او انتاج00000000
هنتكلم عن كهربا فقط(والذى يضم بداخله اتصالات والالات والقوى الكهربية (باور) وهندسة الحاسبات والتحكم الالى)("هندسة الحاسبات والتحكم الالى يشابة قسم هندسة وعلوم الحاسبات عندنا")(وقسم اتصالات يشابة قسم اتصالات عندنا")ويقومون بدراسة الشبكات الكهربية وخطوط النقل والضغط العالى واقل ضغط يتم التعامل معه 220فولت وتدور دراستهم فى هذا المجال بالاضافة الى بعض القوانين الكهربية البسيطة التى لايمكن الاستغناء عنها لاى مهندس كهربا ويختلفون عننا انهم بيدرسوا المواد التى تخص باور بتعمق وفى الورش بتاعتهم كيفية لف المواتير والتى تعتمد دراستها على جداول ثابتة سهله التعلم بالنسبه لعقلية المهندسين ويدرسون الرسم الكهربى(سيلسيون) للمنازل والمصانع وتوصيل مصادر الجهود بالاحمال وطرق توصيل كافة المواتير ومنهم
3phase


احنا:لما بنوصل الفرقة الثانية بنكون جمعنا معلومات كتير عن الكهرباء التى يستخدمها قسم باور لكى نتمكن من الالمام بجميع فروع الكهربا ولكن هم تقف امامهم عقبة التخصص لاننا نحن المتخصصون فى دراسة الدوائر ذات الجهود المنخفضة ولايمكن لاى دارس ان يعرف المناهج التى ندرسها او يجاريها الا اذا كان يقف على ارض صلبة جدا من المعلومات الاساسية فى هذا التخصص ولكن دراستهم تكاد تكون فى متناولنا لاننا نحاول الالمام بجميع فروع الكهربا

فى الفرقة التانية بقى بندرس خصائص ترانزستورات بجميع انواعها(ujt-pjt-mosfet-(mesfet وجميع طرق تصنيعها بالاضافة الى جميع المكونات الالكترونية نذكر منها

(الدايود-scr-المقاومات-المكثفات-الملفات-osc-timer555) بالاضافة الى حسابات الخرج والسلوك الكهربى لهذه المكونات والتعرض لعلوم التحكم والاتصالات والحاسبات واساسيات كل منهم بالاضافة الى منهج معقد من تكنولوجيا اشباة الموصلات وتكنولوجيا الدوائر المتناهية الصغروطرق تصنيعها والتعلم كيفية انجاز جهاز كامل المواصفات بايدينا عن طريق معرفة الرسم التخطيطى فقط وللورش الالكترونية الفضل فى ذلك وتنفيذ اى دائرة عمليه مهما تكن ووضعها فى صورة منتج يتم استخدامه مباشرة

هما: لما بيوصلوا الفرقة الثانية بتكون عندهم معلومات كتير عن الكهرباء التى يستخدمها قسم باور ولكنهم لايعلمون الا القليل مما نقوم احنا بدراسته(ليست بنفس قوة الهندسة الالكترونية) ولاننسى طبعاً انهم بارعون فى فهم طرق عمل وتشغيل المولدات والمحولات والمواتير الكهربية وكيفية صيانتها وكيفية انشاء شبكات وخطوط الضغط العالى (ولانخفى نحن نعرف معلومات لا يستهان بها فى مجالهم ولكن العكس غير صحيح)



احنا:فى الفرقة الثالثة تحكم يبدا الانفتاح الهائل للمعلومات والوصول الى ارض الواقع فكل مايدرس فى الكليه اشياء محسوسة تجذبك الى التفكير بعقلية المهندسين الحقيقيين والدليل على ذلك مايتم انجازة من مشاريع نرفع لها القبعة احتراماً داخل اروقة الهندسة الالكترونية0 فى الفرقة الثالثة يتم دراسة التحكم الاتوماتيكى بكل ماتحمله الكلمتين من معانى دون الدخول فى تفاصيل الموضوع بجد مش سهل ويحتاج انى اتكلم عنه فى مجلدات مش فى كام سطر. المهم. وبنقوم بدراسة العديد من لغات البرمجة وادوات التحكم الاتوماتيكى مثل المايكروكنترولر وجهاز plc وzelioوالذى يسمى سمارت ريلاى ولايمكن لاى شخص ان يواكب مهندس التحكم بمجرد ان ياخذ دورات فى كيفية استخدام ادوات التحكم الاتوماتيكى ولانها (منظومة انشاء مهندس متكامل لايمكن ان يخترق صفاته دخيل ويظل مهندس التحكم فوق المنافسة)



هما:تسلك مناهجهم التوسع العلمى فى المعلومات التى درسوها وكيفية انشاء الشبكات والتعامل مع الاجهزة الكهربية الى ان يتخرجوا (التى تخص الضغط العالى220فولت فيما اعلى )وهذا العلم ليس سهلا ولكنه بعيدا عن مجالنا لاننا نتكلم عن التخصص ولايمكن لهم ان يضاهونا لاننا نحن المتميزون فى الدوائر الالكترونية على الاطلاق

بعض الاختلافات السريعة لنعرف ماذا نقول
احنا:نهتم بدراسة الجهود الكهربية فى مدى 24 فولت وتحليل سلوك الدوائر(الالكترونية) والخرج المتوقع
هما:يهتموا بدراسة الجهود الكهربية فى مدى 220.380فولت و11.33.66.132كيلو فولت
احنا:دراسة المكونات الالكترونية بكاملها والتى تعمل فى مدى جهود منخفضة 24 فولت والتى تم ذكر بعض منها فى الاعلى
هما:دراسة المكونات الكهربية بالاضافة الى (المولدات-المحولات-ادوات الضغط العالى-المواتير ومايلزمها من ادوات واجهزة-وكيفية انشاء خطوط النقل للجهود العلياوشبكات التوزيع لها)
احنا:عمل تصميمات لاى نظام تحكم اتوماتيكى للتحكم فى اى نظام كهربى فى جميع المجالات
هما :عمل تصميمات لتغذية او امداد اى مؤسسة بالكهرباء (نطاق عملهم بداية من مولدات السد العالى الى اصغر حمل موجود فى اى مؤسسة بكل ماتحمله هذه الكلمات من معانى)
احنا:عمل محاكة لاى نظام تحكم واخضاعة ليكون اكثر استقراراً والتحكم فيه طبقا لما نريد للسيطرة على الخرج(لن اخوض فى تفاصيل عايز تعرف التفاصيل ادخل قسم تحكم)
هما:دراسة علوم الوقاية والصيانة بكل ماتحملها الكلمات من معنى بالنسبة (للمولدات – المحولات –والمواتير)
تعليق اخير :مهندسى التحكم هم اساس الوقاية فى هذه الحالة وهذا اعرفه عن طريق تجربة شخصية لى عندما كنت اقضى التدريب الصيفى للفرقة الثانية فى محطة محولات تعمل على جهود 11.33.66 كيلوفولت وكانت الوقاية على المحولات الضخمة مكونات الكترونية وهى صميم عملنا والتى لايمكن الاستغناء عنها



كمان قسم تحكم بيدى الفرصة لدراسة هندسة المعدات الطبية عن طريق المواد الاختيارية واللى الطالب بيختار فى تالته ورابعه انه يدرس مواد هندسة طبيية او مواد فى البى ال سى

وكمان مشروع التخرج بيحدد

[Abdallah Mostafa]

موضوع مفيد وجاي تعمل دعايا ليك عندي
مش اسلوب دا يا صاحبي :d
شكراً يا حوبي ع التوبيك ومحتاجين التوبيكات دي عشان الفترة دي لازم يكون فيه توبيكات بالطريقة دي عشان الناس تعرف راسها من رجليها خاصة زي ما قولت ان فبه ناس كتيرة اوي جايلها اقسام هي مش عايزاها

[حور]

هو حضرتك زعلت من كلامى ولا ايه والاهى مش قصدى ازعل حضرتك
ده حضرتك والبشموهندس ميدو اخواتى الكبار
اسسسسسسسسسسسسسسسسسسسفه لو كلامى زعل حضرتك
وشكرا للتوضيح والمعلومات الجامده دى
وبما ان حضرتك قسم كهربا وانا استغلاليه حبتين يا ريت حضرتك تقلى هل فعلا اللى يدخل كهربا لازم يكون بيعشق الرياضه وشاطر فيها اوووووووووووووى

[Ahmed Saleh]

موضوع مفيد وجاي تعمل دعايا ليك عندي
مش اسلوب دا يا صاحبي :d
شكراً يا حوبي ع التوبيك ومحتاجين التوبيكات دي عشان الفترة دي لازم يكون فيه توبيكات بالطريقة دي عشان الناس تعرف راسها من رجليها خاصة زي ما قولت ان فبه ناس كتيرة اوي جايلها اقسام هي مش عايزاها

هههههههههههههههههه

لا لازم استغل ان احنا فى فترة الانتقالات الصيفية بقى


منور الموضوع والله يا عبدالله واتمنى الناس تستفاد منه

[Ahmed Saleh]

هو حضرتك زعلت من كلامى ولا ايه والاهى مش قصدى ازعل حضرتك
ده حضرتك والبشموهندس ميدو اخواتى الكبار
اسسسسسسسسسسسسسسسسسسسفه لو كلامى زعل حضرتك
وشكرا للتوضيح والمعلومات الجامده دى
وبما ان حضرتك قسم كهربا وانا استغلاليه حبتين يا ريت حضرتك تقلى هل فعلا اللى يدخل كهربا لازم يكون بيعشق الرياضه وشاطر فيها اوووووووووووووى

لا وربنا انا ما زعلت من حضرتك

ولا من الباشمهندس اللى قال ان دى كلية حاسبات مش هندسة

بس انا حبيت اعمل موضوع يفيد الناس

انا لقيت اللى يقولى على الطريق اللى يدخلنى القسم اللى انا بحبه

فحبيت انى اعرف غيرى يمكن ادى فرصة لحد ميعرفش انه يعرف


وبالنسبة للرياضة عندك مواد كتير فى كهربا هتستخدمى فيها التكامل

فلازم تكونى شاطره فى الرياضة علشان تمشى فى القسم

اما لو مش شاطره فى الرياضة هتلاقى صعوبة شوية فى بعض المواد

بس برضو مش علشان واحد مش شاطلا فى الرياضه ميدخلش كهربا علشان كده

هما بيدولك فى الرياضة فى القسم الحاجات اللى انتى بتحتاجيها فى المواد التانية


فانتى ممكن تنمى نفسك فى الرياضة جوه القسم

[حور]

طيب الحمد لله ان حضرتك مزعلتش
شكررررررررررررررررررررررررررررررررررا كتيييييييييييييييييييييييييييييييييييييييير لحضرتك على المساعده
واللاهى ونعم الاخ

[Ahmed Saleh]

ربنا يخليكى يا باشمهندسة

ده من زوقك بس والله

[eng/friend4ever]

جميل اوى الكلام ده
الكليه دى فعلا جميله وسهله ولكن المشكله الحقيقيه هى المدينه نفسها فاضيه
انا كنت السنه اللى فاتت هناك وحولت علشان كده مع ان الكليه مفيش زيها فى مصر

[حور]

معلش يا بشموهندس اختك الصغيره هتقل عليك شويتين
هل حضرتك تعرف اى حاجه عن تنسيق ومجموع طبيه؟
معلش انا عارفه ان انا رخمه ومتعبه